modegier: sneakers

Die sneaker/stylized tennis shoe modegier is hier! Ja, jy het reg gehoor – dis okay om tekkies en jeans te dra ;) , maar nie op die 90’s-manier nie. Gaan loer gerus by sportskoenwinkels in. Jy sal verbaas wees oor die verskeidenheid en detail wat beskikbaar is.

Hierdie modegier is goeie nuus vir vroue wat hou van gemaklik maar tog interessante skoene. Ek dink tog dis een waaroor jy mal gaan wees of nie. Of dalk bloot ‘n bonus as jy net opsoek is na ‘n mooi paar gymskoene.

Indien jy wel besluit om hierdie gier te volg is die belangrikste dat jy jou paar sneakers reg kies (en dan reg dra). Daar is nie baie reëls nie – jy kan jou nuwe paar sneakers dra saam met ‘n rokkie, jeans, ‘n kortbroek, eenstuk of romp. As ek hierdie modegier moet opsom is daar basies een van 2 maniere om dit vir jou te laat werk: jy kan jou sneakers met jou uitrusting koördineer of glad nie. Vir eersgenoemde sal jy byvoorbeeld ‘n geel toppie of horlosie dra by jou sneakers wat ‘n geel strepie in het. Vir die ander opsie sal jou sneaker die fokus-item wees. As jy na jouself in die spieël kyk, is die sneaker amper die eerste ding wat jy sien. Die sneaker pas ook in meeste gevalle glad nie by die kleure of tema van jou uitrusting nie.

Dit maak meer sin as mens dit sien. Onder is 'n paar voorbeelde.

samestelling via Polyvore