rooi bly mooi

Prentjiemooi via Polyvore

Die rooi lip kom altyd weer terug en is volgens my net so tydloos soos 'n klassieke swart nommertjie in jou klerekas. Daar is baie weergawes van die rooi lip - helder, donker, blink, matt. Dit kan 'n stylvolle uitrusting perfek afrond of 'n vervelige pakkie lewe gee. As jy 'n rooi lip wil dra, hou die res van jou grimering eenvoudig sodat dit nie met mekaar kompeteer nie. Hou jou lipstiffie en 'n handspieeltjie byderhand om seker te maak jou rooi lip bly mooi rooi. Ek is seker daarvan as 'n vrou rooi lipstiffie dra dit sommer haar dag ophelder en haar meer selfvertroue gee. Maak ook seker jy gee iemand 'n soen op die wang ;) Geniet!